طريقة عمل الكبسة الدايت ~ عـالــم الرشاقة

السلام عليكم ورحمه الله وبركاته

عاوزه تاكلى كبسه دايت تعالى من مطبخى بالصور مع ♥نور خبيره تجميل ♥

النهارده بقى عملتلكم الكبسه الدايت
انا عملتها النهارده باللحمه ممكن تعملوها بالفراخ بنفس الخطواااااااات

نبدأ بسم الله

اولا نعمل الصلصه الحاره اللى بتتقدم جنبها فى المطاعم(بصراحه الكبسه من غيرها مش كبسه)

مقاديرها زى مانتوا شايفين
4 حبات طماطم-4قرون فلفل-7 فصوص توم-بصلايه-نص حزمه بقدونس

نضربهم فى الخلاط ونتبلهم ملح وفلفل وادى الصوص جاهز ندخل على الكبسه

نجيب كيلو لحمه وياريت تكون مفيهاش دهن كتير وممكن تعمليها بالفراخ زى ماتحبى

هنا بقى ضربت فى الكبه بصلتين و4 جزرات وقرنين فلفل رومى و5 فصوص توم وشكلهم كده

هجيب حله واحط فيها معلقه واحده زيت وانزل بالخلطه دى واشوحها كويس اى لمده خمس دقايق

بعدين هنزل بالتوابل بتاعتى(ملح وفلفل وكمون وتوابل كبسه وقرفه وقرنفل ولورا وكذبره ناشفه)
ونشوح كويس اوى عشان نكهه التوابل تطلع

بعدين نعصر طماطمتين ونحطهم على الخلطه

بعدين نعاير الارز

لو هتعملى كوبايه تحطى كوبايه ونص شوربه بس خدى باااااااااااااااااااااااااااااالك
الشوربه تكونى سالقه اللحمه قبلها بيوم وتحطيها فى التلاجه طول الليل والصبح تشيلى الطبقه اللى فوق الوش (الطبقه الدهنيه)
لما بتشيليها كأنك بتشيلى 3\4 دهون الشوربه