طريقة عمل ارز بالخضار وفراخ مشويه وكله دايت×دايت

السلام عليكم ورحمه الله وبركاته

النهارده جايبالكم وجبه ممتعه بمعنى الكلمه ارز بالخضار وفراخ مشويه هتحبوها اوووووووى ان شاء الله

نبدأ بسم الله


اول حاجه نفرم بصله كبيره ونشوحها فى معلقتين زيت



لما يدبلوا نحط الخضار بطاطس وجزر وبسله ونشوحهم كويس



ونحط ورقه لورا وفص حبهان وشويه فلفل اسود وشويه بهارات ومنحطش ملح(عشان الخضار يستوى)




بعد كده هنضيف ميه مش (شووووووربه) عشان تبقى خفيفه والخضار نفسه هيطلع مرق طعمه جميل



ولما الشوربه تغلى نضيف الارز بتاعنا



ونسويه عادى خالص هنا الارز شرب ميته


وهنا لما استوى والريحه مقولكمش نااااااااااار جنان


عملت جنبه فراخ مشويه اطعم من الجاهزه بشهاده كل اللى داقها والله
التتبيله المعتمده عندى(بصلايه كبيره مفرومه -5فصوص توم مفرومين-معلقه كاتشب -طماطمايه مبشوره- ملح وفلفل وقرفه و-بهارات- وزعتر- ومرقه دجاج مفروكه -ومعلقه خل) كنت بحط زبادى الاول وبعملها تكا لكن دلوقتى خلاااااص هى التتبيله دى وفقط وسيبيها فى التلاجه يوم كاااامل مش ليله يعنى 24 ساعه ميقلوش اسمعى منى
ودى صوره الفرخه متتبله



ودى لما شويتها انا حطيتها فى سيخ الفرن وقعدت حوالى ساعه وربع



 

وبالهنا والشفاء

الاكله منقولة من مطبخ 

♥نور خبيره تجميل♥

Posted in: أحلا الاكلات الدايت ووصفات رجيم وماكروبيوتك